عربانة برد

مرحبا مدونتنه العزيزة 

اليوم موضوعنا اقتصادي يمس كل الناس في الكويت و بالأخص المتزوجين .... طبعا الكل يعرف أنه  البيت مو بسهالة إيي...إلا أنه إذا  تسكر باب ..ينفتح 1000 باب  .... وبالتالي أنصح كل واحد يبي بيت أنه يكتب أي فكرة أي كانت صغيرة أو مالها معنى ( مو المهم ماكو فلوس أو هل راح أسويها)... ماتدري باجر ممكن هالفكرة إتكون إهي الحل المناسب

وومن هذا الباب أطرح لكم كذا تكتيك عن كيفية اتحصل على بيت لعل و عسى أني أفيدكم بالموضوع و شاركونا بالتعليقات الحلوة و الأفكار  الطيبة

فكرة شقق التمليك: عن طريق كبارية العايلة....الفكرة أنه اخوان مثلا: يشترون أرض بمكان  معين خلنا نقول بالشعب البحري.....و يبنونها شقق ... يعني كل دور ثلاث شقق و تسوويها ١٠ أدوار مثل الي قاعد يسوونها( أو على حسب الاستطاعه)  .... و كل اخو له نسبة حسب فلوسه و يملكه عياله  ....(و روحوا شوفوا اسعار هالشقق)... و لا..... اصلا راح  يزيد شقق ممكن اتخليها دخل ثاني

بيت الحكوة : فيه فكرة ثانية أنك تنطر بيت الحكومة لين إييك... العاده و الجاري حاليا أنك تنطر ١٥ سنة ... الصراحة وايد ... بس بالاخير اسمه بيت....بس لو تفكر 15 سنة  أجار شهري 300 دينار يعني ( 300*12*15=54000 دينار ).

فكرة اخوان في  بيت واحد: الفكرة أنه ثلاث اخوان مثلا يتحاططون على بناء  أو يشترون بيت.... و كل أخو ياخذ دور .... و ديوانية وحدة و حديقة وحده ..... بس التحدي هو : منوانسجل البيت بإسمه

فكرة الشاليه: فكرة أنك تشتري شاليه و من إيراد الشاليه تسدد القروض الي عليك ..... باعتبار أنه الشاليه سوقه طول السنة و فيه طلب عليه.... لا ... وإذا شريت شاليه ممكن يصير عندك دخل  اضافي بعد ما تسدد مستحقاتك الشهرية من القرض ... الفكرة اشوفها جدا قوية..... او ممكن الدخل الاضافي يكون مشروع لبيت ثاني ... وبعد ماتخلص المستحقات المالية يصبح كل دخل الشالبه عبارة عن دخل ثاني ... أنا أضيف على الفكرة : دام الشاليه يعطيني هالايراد ..ليش أشتري بيت بعدها ... أسكن عالبحر + دخل اضافي .... و لكن هناك ناس تشكك بــــ ( الشاليه سوقه طول السنة ... وبالتالي لازم  نحسبه صح)

فكرة بيت و شقق: الفكرة أنك تشتري بيت اتعيش بالدور الأول و الدور الثاني و الثالث اتخليه أجار و الي يطلع اتحطه مستحقات للأجار.... وبعدين متى ما عيالك كبروا يعيشون وياك 

فكرة بيت حكومة إخوان يم بعض : الفكرة مثلا أنا طالعلي بيت هالسنة و أخوي يطلعله يعد ثلاث سنين ... شسوي؟ ما آخذ البيت هالسنة  ... أنطر لين  يطلع بيت أخوي و  أقدم اوراقي ( تكون لي الاولوية كون طالعلي بيت و ماخذيته..... و نتجاور)........ و ترى فيه ناس اتسوي جذي 


فكرة 30% - 70%: : الفكرة انك تشتؤي عمارة تدفع 30% و البنك يدفع 70%... وتقسط الي عليك من اليرادات 

وهذا ماكان في جعبتي......إلا أنني أريد أن  أسلط الضوء على ضرورة و ميزة تقارب الأخوة في العيش مع بعض


محبكم في الله : بوشهاب